Já er ekki mál til komið að vekja þessa rafrænu dagbók mína aftur til lífsins?!? enda er ég alveg hætt að muna hvað ég gerði daginn áður hvað þá viku.. þetta minni, segi það nú bara.

Allavega fer ég ég aftur í tímann alla leiðina á laugardaginn, man bara ekkert aftar í tímann. Ég var að vinna frá 11-18 og var frekar fín í tauinu því að ég var svo á leiðinni í útskrift hjá frænku minni. Nema hvað að pabbi hafði sagt mér að þetta ætti vera í turninum svo að ég var ekkert að flýta mér og tók minn tíma í að púðra á mér nefið og skipta um skó útí bíl. Svo er ég að verða til þegar ég sé að pabbi kemur keyrandi til mín, þá hafði hann farið í Turninn og ekkert fundið nema tannlækna þar sem þetta átti víst að vera. Hann hafði gleymt símanum sínum og ég var ekki með inneign (eins og venjulega) svo við skokkuðum útá bensínstöð (ég á mínum sky high Karen Millen hælum ! svaka pen) þar var keypt inneign og hringt í bróðir pabba. Á meðan kom inn gæji um 35 sem var með þennan skrítnasta og blásna hanakamb sem ég hef séð, þetta var svona eins og ef prince charming úr Shrek hefði rakað á sig hanakamb og haldi samt sem áður lengdinni á hárinu sem eftir var.. það sprungu allir úr hlátri þegar hann fór út 
Við fengum rétta adressu og drifum okkur þangað, ég náði nú ekki að stoppa mjög lengi í þessari fínu veislu en náði þó að smakka á nokkrum veigum og kjafta við fólk sem ég hitti allt of sjaldan.
 
Ég kom heim rétt fyrir átta og þá var sko farið í joggingbuxurnar því að á laugardögum er pizzakvöld ójee that means eat pizza till you drop and then you eat some more

Á sunnudaginn var ég í fríi og við Gísli ákváðum að fara í göngu um Hvaleyrarvatn, svo fallegt þar og róandi að fara svona í náttúruna og heyra fuglasönginn. Eftir gönguna skruppum við útá Álftanes, ætluðum í sundlaugina en það var svo svakalega pakkað að við hættum við. Í staðinn fórum við í ísbúðina í Faxafeninu.. mmmm..

Eitthvað hlítur útiveran að hafa farið illa í mig því að á sunnudagskvöldið var ég farin að hósta eins og brjálaðingur og svaf lítið þá nótt. Ég fór þó í vinnu á mánudaginn en ákvað að fara heim um fjögur vegna slappleika. Í dag miðvikudag var ég ennþá heima og er komin með alveg nóg, ég get allavega ekki horft á meira vídeó í bili hehe. Ég er orðin samt það góð að ég get sem betur fer farið í vinnuna á morgun THANK GOD

þangað til næst
knús

Að sjálfsögðu var farið í ísbúðina á góðum frídegi



Á sunnudeginum fyrir jól fór ég með mömmu og pabba á skíði, færið var frábært og veðrið eins og í draumi. Við skemmtum okkur konunglega



Hér gefur að líta nokkra af síma-sokkunum sem ég prjónaði í jólapakkana hjá krökkunum. Ég er nú bara nokkuð ánægð með afraksturinn þó ég segi sjálf frá Reyndar fékk ég mikla hjálp í byrjun frá tengdamömmu en hún hlítur að hafa séð einhverja von í þessu hjá mér því að þau (tengdafjölsk.) gáfu mér bókina Lærið að prjóna sem ég er mjög ánægð með og á eftir að nota mikið ef ég ætla að gera eitthvað annað en þessa blessuðu sokka



Við fengum þennan stóra kassa með okkur heim frá tengdó á aðfangadag (Um leið og við komum heim fórum við bæði í náttfötin) Okkur hafði verið skipað að opna hann strax og heim yrði komið og við stóðum næstum alveg við það, fyrir utan náttfötin.
Okkur til mikillar gleði var hann fullur af úrvals lambakjöti sem við komum fyrir í frystikistunni.. sem nú er full Ekki leiðinleg kreppugjöf það!



Jólatréð okkar heima



Gísli að opna pakkann frá Ingu og Smára en það var falleg mynd úr brúðkaupinu þeirra



Þennan fengum við frá mömmu og pabba.. og ég að springa úr hamingju enda er okkur búið að langa í svona ofn síðan ég smakkaði svona hjá Björgu vinkonu í köben um árið.
Á laugardaginn var hann svo vígður og ég get alveg sagt að þetta eru þær allrabestu pizzur sem ég hef á ævinni smakkað ... ég fæ vatn í munninn við að hugsa um þær.

Setti inn nokkrar aðrar myndir í desember 08 albúm

Knús á línuna

Ætla nú ekki að skrifa mikið, set bara myndir og nokkra punkta:

-Er ennþá með vinnu, meira en margir aðrir geta sagt
-Ætla ekki að kaupa neinar jólagjafir í ár, þær verða annaðhvort ætar og eða handgerðar
-Við Gísli erum búin að koma okkur almennilega fyrir í íbúðinni og hún er mega flott og okkur líður mjög vel
-Héldum innflutningspartý þar síðustu helgi, sem er ekki frásögu færandi nema að lögreglan mætti óboðin og kvaðst koma vegna hávaða. Nema hvað að þeir hlógu bara þegar þeir áttuðu sig á því að enginn hávaði var og fólk bara að spjalla, mjög fyndið. Já og eitt enn, þeir litu alveg út eins og stripparar.
-Við Gísli fórum á mótmælin í dag og mikið var ég sammála því sem ræðumenn höfðu að segja
-Ég er búin að búa til öll jólakortin, á bara eftir að skrifa í þau

Fleira verður það ekki.. tek myndir af íbúðinni eins og hún er núna mjög bráðlega




Stofan að taka á sig mynd



Við ýkt hamingjusöm



Eldhúsið alveg að koma til



Mamma að hjálpa



Svefnherbergið aað verða fínt


Mamma að raða í eldhúsið

Knús á alla

Það er ýmislegt búið að ganga á síðan ég skrifaði hér síðast og ekki hægt að segja annað en að maður sé búinn að vera á fullu. Ég byrjaði snemma í september í Boot Camp hérna í Egilshöllinni og eraðfílaða eins og maður segir á íslenskunni góðu. Ég er orðin vel mössuð og er alltaf alveg andlaus og máttlaus þegar ég er búin á hverri æfingu. Ég hefði svo sannarlega verið til í annað námskeið á eftir þessu en eins og margir aðrir þá á ég bara ekki aur  En til að líta á björtu hliðarnar þá keypti ég mér kort í Nautilus í Kópavogi sem er ekkert svo langt frá vinnunni minni og þar er ég bara að borga 2.300 krónur á mánuði og er með aðgang að sundlaugum kópavogs líka svo ég er nokkuð sátt.

Ég ætti nú alveg nóg af pening ef við Gísli hefðum ekki keypt okkur íbúð í september og erum búin að vera á fullu síðustu eina og hálfa vikuna að mála og græja. Planið er að flytja inn um helgina.

Vegna kaupa okkar á þessari ágætu fasteign splæsti ég á okkur Gísla á fjármálanámskeið sem við sátum eitt kvöld og tókum glósur. Mikil ósköp sem okkur fannst við læra og ekki var verra en að þessi ágæti maður talaði algerlega á mannamáli og sagði svo bara að ekkert væri svo flókið og erfitt að ekki væri hægt að leysa það!

Fleira merkilegt gerðist í september, en við Gísli fögnuðum 6 ára afmælinu okkar og fórum út að borða á Ítalíu, uppáhaldsstaðinn okkar. Vá hvað við erum orðin stór

Annars gengur bara vel, ég er ennþá að leita mér af draumastarfinu og enn sem komið er gengur ekkert og ekki að undra þegar allt er að fara til fjandans

Fólki er velkomið að kíkja í heimsókn í nýju heimkynnin ef því sýnist svo, ekki eiga von á því að fá kaffi ! Við verðum þarna meira og minna alla helgina, þið hringið bara á undan ykkur
Læt fylgja nokkrar myndir með


Fyrsta myndin í nýju íbúðinni






Fyrsta máltíðin í nýju íbúðinni

Það er naumast að maður hefur verið upptekinn síðan komið var heim ! Ég hef líka ekkert nennt að skrifa neitt hér því það hefur svo margt gerst síðan ég skrifaði síðast..ég veit eiginlega ekkert hvar á að byrja svo að ég ætla bara að setja inn fullt af myndum


Ég átti frábærasta afmælisdag ever, fór í late lunch með Kollu systir á kaffi París. Sólin skein og það var steikjandi hiti.. bara af því að ég átti afmæli
Svo fór ég að hitta Karen Drífu á kaffi sólon og þar var ég til hálf sjö þegar ég fór heim. Þar hafði ég mig aðeins til því svo fórum við Gísli út að borða á Caruzo sem var auðvitað alveg geggjað. Þegar við komum heim kom Gísli úr eldhúsinu með köku sem var með logandi kertum og söng fyrir mig afmælissönginn það var best í heimi.. ég fékk bara tár í augun.

Svo fékk ég pakka.. VEI !





Á sunnudeginum hélt ég smá fjölskylduboð heima þar sem ég bakaði og skreitti svona líka fína köku



Gísli var svo sætur að gera líka brauðtertu svo það var nóg að narta í fyrir alla





Helgina eftir fórum við með vinahópnum í útileigu á Bakkaflöt, það var alveg frábært.. ég hafði ekki farið í útileigu í allavega tvö ár. Við fórum að sjálfsögðu á nýja bílnum okkar sem er Susuki vitara jepplingur

Við reyndar keyptum svo annan bíl, þannig að nú eigum við tvo ... eða hann einn og ég einn hehe call us creisí en okkur fannst þetta betra svona. Allavega bíllinn sem ég fékk er svartur Toyota Yaris algjör kjúsíbolla og ég elskann

Annað í fréttum er að ég er að vinna í Lyfju í Smáralind á meðan ég leita að draumastarfinu mínu í rólegheitum.. ég fer allavega ekki á hausinn á meðan ég er að leita hehe. Annars gengur leitin svona upp og ofan, ég er búin að fara á tvo staði sem eru að leita og þar af var ég að klára prufu fyrir aðra þannig að það er bara að bíða og sjá. Það er nú heldur ekki eins og markaðurinn sé í einhverjum blóma, þannig að ég tek þessu bara með stakri ró og vinn í apótekinu á meðan og að sjálfsögðu keyri nýja yarisinn minn Veiveiveivei

Bætti við fullt af myndum í Júlí albúmið

Vei þá hef ég náð þéim merka áfanga að vera orðin 25 ára.. jahérna. Deginum verður eitt í lúksusheit og fínan mat og ís að sjálfsögðu.

Hafið það sem allrabest á þessum uppáhalds degi mínum
Love you

Jæja þá erum við Gísli flutt heim á frón og erum að jafna okkur á þessu menningarsjokki
Mamma og Kolla systir komu til Köben og voru með okkur síðustu helgina þar, við skemmtum okkur konunglega og það var mikið brölt á okkur.



Við fengum alveg frábært veður alla dagana og nutum þess að vera úti og njóta þeirra.. og að sjálfsögðu nýtti ég tækifærið og var í sumarkjólunum mínum svona í síðasta sinn þetta sumar hehe



Það er ýmislegt búið að gerast í þessari fyrstu viku, þó ég nenni nú ekki að vera að þræða það hér í smáatriðum.
Fyrsta daginn okkar fórum við í: Smáralindina, Laugaveginn, IKEA, Subway, Þjóðskrá, matarboð og keyrðum um nýbyggingarhverfi.

Í þessari fyrstu viku:
- Gísli byrjaði að vinna
- Ég fór að passa fyrir Kollu
- Við keyptum okkur rúm
- Við keyptum okkur bíl
- Átum kókosbollur
- Fórum á Stælinn
- Fórum í bankann
- Tókum bensín
- Ég fór út að hjóla
- Ég rölti um Elliðárdalinn
- Fórum í annað matarboð

Þar hafið þið það svo eru komnar myndir í nýtt albúm sem ber það frumlega nafn Júlí 08

Ef einhver vill ná í mig er númerið mitt 663 6613

Knús á línuna (ég er farin að horfa á sjónvarp og borða íslenskan mexíkóost mmm...)

Það er aldeilis búið að vera nóg að gera eftir að ég kláraði prófið mitt, daginn eftir prófið fór ég í klippingu, svo skelltum við Gísli okkur í sund á fimmtudaginn.
Á fimmtudagskvöldinu, rétt eftir miðnætti heyrði ég mikið og skært kattarvæl, svo ég ákvað að fara út og gá hvað væri eiginlega að því að þetta var þannig hljóð. Ég dró Gísla með mér og við runnum á hljóðið sem kom frá einum bílnum.. við vorum ábyggilega fyrir utan bílinn í tæpan klukkutíma að reyna að frá vesalings köttinn til að koma undan bílnum (það er að segja innan úr vélinni). Við vorum alveg að gefast upp þegar við heyrum að allt í einu er hljóðið að koma frá bílnum við hliðiná ! Við kíktum bara hvort á annað eins og spurningamerki.. og ég hugsaði að þetta væri nú bara einhver hrekkur. Nema hvað að ég fer á fjórar til að kíkja hvort ég sjái eitthvað og viti menn.. ég sé ca. tveggja vikna gráan kettling skjótast á milli bíla.
Við reyndum lengi að ná honum en ekkert gekk og það endaði með því að hann fór aftur inní velina á fyrsta bílnum ! Svo ég settist á kantstein rétt hjá, frekar pirruð, í von um að hann mundi koma sjálfur til mín því að mjálmin voru þannig að það var alveg augljóst að hann var að kalla á hjálp. Þegar ég var búin að sitja þarna í meira en hálftíma og hlusta á grei kisa mjálma þá allt í einu kemur hann undan bílnum og skíst á milli bílanna. Við Gísli ákveðum að fara sitthvoru megin við þann bíl sem hann lá undir í von um að hann þyrfti að koma undan.. nei litli fór bara í vélina á þeim bíl !
Þá ákváðum við að láta þetta gott heita, þó svo að ég væri ekki sátt við að skilja hann bara eftir svona lítinn, en það var bara ekkert meira sem við gátum gert.
Eftir að við komum inn, klukkan þá að verða tvö eftir miðnætti, sat ég heillengi útí glugga að athuga hvort hann færi nú ekki í skjól einhversstaðar. Þá sá ég mér til mikillar gleði að mamman var mætt á svæðið og var að reyna að ná honum.. mikið var ég ánægð. Þó hinsvegar var hann ennþá mjálmandi þessu skæra mjálmi um morguninn frá sama stað, þá veit ég allavega að mamma hans var búin að finna hann og hún væri í raun sú eina sem gæti eitthvað tjónkað við hann. Mikið átti ég samt erfitt með að sofna vitandi af honum þarna úti kannski svöngum

Allavega, á föstudaginn fórum við Gísli, mjög þreytt, um morgunninn til Eddu og Bjarna til þess að hjálpa þeim að flytja. Við Edda stungum svo af um hádegið því okkur var boðið í smá teiti hjá bekkjarfélaga okkar. Þar var borðað og kjaftað þangað til haldið var útí skóla.



Því miður gátu strákarnir ekki náð athöfninni sjálfri en þeir komu um leið og hún var búin að voru með í svokölluðu "reception" þar sem við vorum öll að fá okkur kampavín og spjalla saman, borða smá kransaköku og svoleiðis.





Eftir það fór Gísli heim og við Edda fórum í mat sem var þarna í skólanum, sem var bara mjög fínn og það var þessi líka svakalega fína súkkulaðikaka í eftirrétt mér til mikillar gleði.
Eftir mat var mega partý þar sem ég og fleiri dönsuðum fram á miðnætti.. ég kom nú reyndar ekki seint heim því að Elín og kærastinn hennar voru svo sæt að gefa mér far heim

Á laugardaginn gaf Gísli mér útskriftargjöf Sem ég er svo ótrúlega ánægð með veiveivei Hann gaf mér myndavél, ýkt litla og góða sem ég er alveg að verða búin að læra ágætlega á

Dagurinn í dag (sunnudag) er búinn að vera einn besti í langan tíma, við sváfum út til að byrja með svo fórum við í sund og renndum okkur í rennibrautinni. Eftir smá stopp heima til að ná í myndavélarnar fórum við í dýragarðinn og við vorum þar til hálf níu.
Við fórum þaðan á frábæran ítalskan veitingastað sem Gísli var búinn að ákveða að bjóða mér á, henn er rétt hjá dýragarðinum. Við fengum okkur sitthvoran diskinn af spaghettí með norskum humri í hvitlauks blöndu mmmm.. það var svo gott ég er enn pakksödd

Þar sem við erum að flytja heim í næstu viku, eins og flestir vita, þá missum við netið á morgunn eða hinn.. svo að ég verð ábyggilega ekkert að blogga þangað til. Svo ég læt duga að setja inn allar þær myndir sem ég er búin að taka í júní (meira og minna) þar á meðal myndavélaflipp okkar Gísla í dag með nýju vélina
Myndamappan heitir Júní 08 (það koma svo fleiri útskriftarmyndir þá og þegar)

Hafið það gott og við sjáumst bara í næstu viku
Love you -knúsíkrús-

Jæja þá er stelpan búin með lokaprófið og fékk hæstu einkun fyrir í tilefni þess fór ég í uppáhaldsísbúðina mína og fékk mér þriggja kúlu mega ís, ég átti hann líka alvega skilið. Ég er samt svona ennþá að átta mig á því að þetta er loksins búið. Við fórum saman nokkur niðrí bæ í gær eftir prófið og settumst niður á Dubliners á strikinu, þar var ég alveg þangað til að Gísli kom um sjö leytið. Þá fórum við í Torvuna og fegnum okkur að borða á Amerískum stað, svo eftirá fórum við í bíó á 21 sem mér fannst bara nokkuð góð. Við komum heim um miðnætti og ég ég fór aðeins í tölvuna svona til að reyna að ná mér niður eftir gleði dagsins... hún var búin að vera mikil.

Ég allavega er búin að ákveða að taka deginum með stakri ró í dag, fór í klippingu áðan og orðin svaka fín og sæt. Svo ætla ég í labbitúr með Gísla á eftir og svo verður bara haldið áfram að pakka og græja. Erum búin að selja rúmið og sofum því á uppblásinni dýnu sem er frekar fyndið því það brakar í henni og ég er viss um að hún sé lifandi.
Á morgunn erum við svo að pæla í því að fara í sund, er ekki alveg ákveðið en það verður allavega eitthvað skemmtilegt gert svo mikið er víst. Á föstudaginn förum við eldsnemma til Eddu og Bjarna að hjálpa þeim að flytja, svo uppúr hádegi förum við í hádegispartý til Marc. Klukkan fjögur byrjar svo útskriftarathöfnin í skólanum sem líkur með mat og svo svakalegu partýi með kennurunum. Ég ætla sko að skemmta mér konunglega og njóta þess að vera með öllu þessu fólki í síðasta sinn, og ég ætla líka að vera mega sæt í kjól.

Það er nú ekki mikið fréttnæmt að frétta, langaði bara aðeins að láta vita af mér, ég er búin að vera í fríi síðan við Edda skiluðum verkefninu og er búin að borða heldur marga ísa En það mátti nú alveg því það er búið að vera svo svakalega heitt.

Helgin síðasta var algjör draumur því að veðrið lék við okkur, reyndar alla síðustu viku.. ég fékk Gísla með mér (hann var í fríi í vinnunni) á fimmtudaginn (6.júní) á grill samkomu sem haldin var uppí skóla og við hittum þar nánast alla bekkjarfélagana mína. Við sátum öll í skólagarðinum; sóluðum okkur og spjölluðum. Um fjögur leytið fórum við að hitta Simma og Sigrúnu í Frederikbergs Have, þar sátum við alveg til níu um kvöldið og kjöftuðum, átum pizzu og kíktum á fílana sem eru í dýragarðinum en sést samt í.
Við ákváðum öll að hittast aftur á laugardeginum og grilla saman. Svo uppúr hádegi þann dag var hist niðrá Íslandsbryggju og þar vorum við, án gríns, til níu um kvöldið, svo það er ekki furða að við Gísli brunnum aðeins þó svo að við vorum með góða vörn hehe.
 
Á síðasta sunnudag var allra heitast, við Gísli ætluðum samt að vera úti eins og sönnum íslendingum ber skylda til (nýta veðrið hehe) en eftir að ég var búin að klára risa þriggja kúlu ísinn minn og Gísli bjórinn sinn ákváðum við í snarhasti að flýja inní bíósal. Ykkur finnst kannski glatað að fara í bíó í góðu veðri en ég er að segja ykkur, manni varð illt í skinninu af hita á einni mínútu ef maður var kurr. Við hefðum þurft að fara í sjóinn eða niður að kanal í vatn til að lifa þetta af, en við hefðum hvort eð er ekki getað það heldur því við vorum svo brennd eftir daginn á undann. Þannig að við vorum föst í fötum, búin að fá okkur eitthvað kalt, allar búðir lokaðar og ekkert að gera heima.. svo þetta var bara ágætis getaway. Svo var hún líka svo skrambi fín myndin sem við fórum á, svona rómó grínmynd.
Svo eftir bíó röltum við í garð nálægt Vesturport og sátum þar heillengi og nutum þess að vera til. Eftir það röltum við heillengi um bæinn og svo um átta um kvöldið fundum við okkur notalegan veitingastað og fengum okkur að borða. Þetta endaði á því að vera einn af rómantískustu og notelegustu dögum sem ég hef upplifað.. hreint æði í dós. TAKK GÍSLI, I love you

Annars er veðrið orðið svona venjulegt núna, hálfskýjað og bara vel líft inní íbúðinni aftur ég er meira að segja búin að setja sængina mína aftur í sænguverið hehe
Ekki hef ég frá meiru að segja í bili, ég fer að læra á fullu strax á morgunn fyrir prófið, en það er 24. júní og svo er útskriftin á föstudeginum 27. júní. Svo eru bara flutningar finnst það voðalega fjarlæg hugsun eitthvað þannig að ég ætla ekkert að vera að velta mér meira uppúr því


Við Gísli tókum eitthvað að myndum, ég set þær líklegast inn á morgunn.

Until next time
Knús

Við Edda erum búnar að skila inn verkefninu okkar, gerðum það reyndar á mánudaginn ég bara fékk mig ekki til að setjast nógu lengi við tölvuna til að skrifa heilt blogg fyrr en núna.

Hér er hægt að kíkja á síðuna: http://d41254.monline.dk/website/
Það er bara dummy texti ennþá

Það er bara svo æðislegt veður úti og ég er bara búin að vera í görðum labbandi og sleikjandi sólina. Við Gísli fórum meira að segja niður á Amager strand á sunnudaginn og vorum þar heillengi... ég fékk reyndar engan lit og var hvítust af öllum á strandlengjunni en það verður bara að hafa það

Ég fór aðeins á shopping spree í gær, keypti mér kjól, belti og klút.. svo í dag keypti ég skó og annað belti

Svona er að vera í fríi maður verður bara að gera smá seasonal shopping ha ? Æji þetta var nú allt frekar ódýrt svo að ég mátti alveg







Í dag fór ég í langan göngutúr, gekk alla Íslandsbryggju alveg útað Christianshavn, þaðan fór ég inn að Kongens Nytorv og fór inná Strik þar sem ég kíkti, augljóslega, í nokkrar búðir. Þegar Gísli var búinn að vinna fór ég og hitti hann í Valby þar sem við keyptum okkur ís, ég fékk mér 3 stórar kúlur eina súkkulaði, eina banana og eina vanillu með súkkulaði jukki í mmmmm svo gott.



Á morgunn er Gísli í fríi í vinnunni svo ég ætla að draga hann með mér uppí skóla þar sem kennaranir ætla að grilla í garðinum í tilefni þess að allir voru að klára verkefnin sín. Svo kemur bara í ljós hvert við förum eftir það, kæmi ekki á óvart að við förum að Söen og röltum þar. Þar sem að sá gönguhringur endar við ísbúð þá má ætla að ég fái þá annan ís á morgunn vei

Læt fylgja link á videó síðan um helgina þegar ég hef uploadað því, það er svolítið langt bara svo þið vitið það, það kemur vonandi á morgunn. Annars vorum við að kaupa okkur vídeókameru þannig að vídeóin eiga væntanlega eftir að halda áfram að koma

Þangað til næst
Knús

http://video.google.com/videoplay?docid=69166407617808236&hl=en

Þetta er bara smá vídeó sem við tókum á sunnudaginn.. bara svona til að láta vita að við erum á lífi

Farin aftur að læra

Jæja nú er heimasíðan komin upp, það er að segja bara forsíðan sem er alveg tilbúin en hinar síðurnar verða alveg eins nema bara  með öðrum upplýsingum þannig að það verður nú ekki mikið mál að gera þær. Annars er ennþá gervi texti á forsíðunni, bara svo þið vitið
Látið mig vita ef það eru einhver vandamál er koma upp við opnun síðunnar

http://d41254.monline.dk/website/

Farin aftur að læra
Knús

Jæja thá er ad sýna afrakstur dagsins, ég er alveg ad verda búin med tannlæknastofuna, nú á ég bara eftir ad animate-a sem ég ætla ad eyda deginum á morgunn í.. hmm hef ekki gert thad ádur thannig ad thad verdur áreydanlega einhver høfudverkur..



Karen - over and out